Podcast me ish-kryetaren e Parlamentit Studentor, znj.Blerta Zeqiraj.

Në kuadër të projektit "Programi për Integritet dhe Promovim të Etikës Akademike në Universitet", Klubi i Etikës ka realizuar një podcast me Blerta Zeqiraj, ish-kryetare e Parlamentit Studentor të Universitetit të Prishtinës.

Gjatë bisedës u diskutua rreth rolit të studentëve në mbrojtjen e interesave akademike, sfidave të përfaqësimit në institucionet universitare, si dhe rëndësisë së pjesëmarrjes aktive në proceset vendimmarrëse brenda UP-së.

Podcasti synon të frymëzojë studentët të angazhohen me përgjegjësi dhe integritet, duke e parë përfaqësimin jo vetëm si privilegj, por si përgjegjësi kolektive ndaj komunitetit universitar.

Ky aktivitet është pjesë e një serie podcastesh të zhvilluara me aktorë të ndryshëm universitarë dhe mbështetet nga Agjencia Austriake për Bashkëpunim (ADC) përmes skemës së granteve të vogla të projektit HEI25, i menaxhuar nga Organizata për Rritjen e Cilësisë në Arsim (ORCA).