Ekspozita dy ditore "Unë dhe profesori"

Gjatë datave 18.05.2023 dhe 19.05.2023, në kuadër të projektit "STEP-UP", Klubi i Etikës i Fakultetit Juridik ka organizuar ekspozitën me tematikën "Unë dhe Profesori". Qëllimi i kësaj ekspozite ishte që përmes disa pikturave të ofronte mundësinë për të parë në mënyrë kreative reagimet e një pjese të profesorëve ndaj studentëve gjatë ligjeratave, si dhe ndikimin e tyre në performancën e mësimnxënies etj.

Kjo ekspozitë u mirëprit nga shumë studentë, të cilët patën mundësi të merrnin pjesë në këtë aktivitet që u zhvillua në hapësirat e Fakultetit Juridik.

Jemi shumë falënderues ndaj artistëve Yll dhe Blend Sadriu, Blendinë Karavidaj dhe Vesa Bytyqi që në mënyrë profesionale dhe kreative realizuan këto piktura kuptimplote.

Projekti "STEP-UP" do të vazhdojë të sjellë aktivitete të tjera në javët në vijim.

"Ky projekt mbështetet nga Agjencia Austriake për Bashkëpunim (ADC) përmes skemës së granteve të vogla të projektit HEI25 i menaxhuar nga Organizata për Rritjen e Cilësisë në Arsim (ORCA)."