Shfaqet filmi “Marshall” në Amfiteatrin e Madh të Fakultetit Juridik

Aktivitet ky i cili u realizua në kuadër të projektit “Zhvillimi i mendimit kritik dhe aftësitë e aktivizmit studentor”, ku prezent ishin rreth 40 student të këtij fakulteti.

Fillimisht u bë një hyrje nga ana e udhëheqësve të këtij projekti si dhe u tregua për aktivitetet që do të bëhen në vazhdimësi e pas përfundimit të filmit u zhvillua një diskutim me studentët të cilët ishin të pranishëm, ku disa prej tyre dhanë komentet e tyre dhe e vlerësuan shumë, duke i konsideruar tejet të rëndësishme disa prej pikave që ishin prekur në historinë e këtij filmi për fushën tonë të studimit, si prezumimi i pafajësisë, diskriminimi në baza racore, e drejta në gjykim të drejtë dhe të paanshëm, barazia para ligjit etj.

Falënderojmë të gjithë për pjesëmarrje dhe vlen të theksohet se ky aktivitet u realizua konform masave ndaj Covid-19, ku të gjithë të pranishmëve ju është matur temperatura, u janë dezinfektuar duart si dhe është bërë respektimi i distancës.

———————————————————————

Ky grant është mundësuar nga ORCA, në kuadër të projektit “Cilësi, Llogaridhënie, Integritet dhe Transparencë në Arsimin e Lartë – QAINT” të financuar nga Agjencia Austriake për Zhvillim (ang. ADA).