Klubi i Etikës realizon debat mbi faktorët që ndikojnë në përkeqësimin e shëndetit mendor të studentëve gjatë provimeve

Gjatë ditës së djeshme, në Sallën e Profesorëve të Fakultetit Juridik, Klubi i Etikës i Fakultetit Juridik realizoi aktivitetin e radhës në kuadër të projektit “Shëndeti mendor i studentëve gjatë periudhës së provimeve”, debatin me temë: “Cilët janë faktorët që ndikojnë në përkeqësimin e shëndetit mendor të studentëve gjatë periudhës së provimeve?”.

Si panelistë të ftuar ishin: Znj.Luljeta Plakolli - Kasumi - Prodekane për marrëdhënie ndërkombtare dhe çështje me student, Z.Elton Bahtiri - Prorektor për zhvillim dhe cilësi në UP, Z.Imri Zabeli - Psikolog klinik - Specialist, Z.Sami Rexhepi - Drejtor - Psikiatër në Qendrën për shëndet mendor, Z.Kristjan Halilaj - Psikolog klinik dhe Znj.Behare Bojaxhiu – Psikologe klinike në QSHM Prishtinë.

Debati u moderua nga Zv.Kordinatorja e Klubit të Etikës Dijellëza Selmani, ku fillimisht prezantoi panelistët e ftuar në këtë debat tematik para studentëve pjesëmarrës, më pas fjalën e mori Kordinatori i Klubit të Etikës Leotrim Pajaziti, i cili vazhdoi me prezantimin e punës së Klubit në përgjithësi dhe aktiviteteve të projektit të fundit rreth shëndetit mendor në veqanti.

Pas prezantimit të panelistëve, punës dhe profesionit të tyre, diskutimi lidhur me temën e lartëcekur u shpallë i hapur, qëllimi i të cilit ishte evidentimi i atyre faktorëve që ndikojnë në përkeqësimin e shëndetit mendor të studentëve gjatë kësaj periudhe të studimit, qëllim ky i cili u arrit dhe krejt në fund u dhanë disa rekomandime drejtuar prorektorit për zhvillim dhe cilësi në UP z.Elton Bahtiri, i cili u zotua se do të punojnë në këtë drejtim për një adresimin sa më të mirë të mundshum. Një ndër rekomandimet që doli nga ky debat ishte krijimi i poliklinikave ku studentët do të kenë mundësinë të kërkojnë ndihmë në rast të përkeqësimit të shëndetit mendor të tyre.

Krejt në fund të këtij aktiviteti u ndanë edhe çertifikata për studentët pjesëmarrës në aktivitetin e kampit njëditor “Student Mental Health Camp 2022”, për pjesëmarrjen dhe kontributin e dhënë në këtë aktivitet dhe më pas u vazhdu dhe me një koktej rasti të paraparë nga vetë organizatorët.

Falenderojm panelistët: znj.Luljeta Plakolli - Kasumi, z.Elton Bahtiri, z.Imri Zabeli, z.Sami Rexhepi, z.Kristjan Halilaj dhe znj.Behare Bojaxhiu, për njohurit e ndara me ne në këtë aktivitet, për tërë diskutimin e frytshëm dhe mjaftë të nevojshëm për ne si studentë poashtu dhe për mbështetjen e dhënë si dhe gjithë studentët pjesëmarrës të cilë kontribuan në këtë diskutim me pyetjet dhe komentet e tyre lidhur me temë.

Ky aktivitet u zhvillua me mbështetjen financiare të Bashkimit Europian dhe bashkë-financim nga Suedia dhe përkrahet përmes Qendrës së Burimeve për Shoqëri Civile në Kosovë që zbatohet nga Fondacioni Kosovar për Shoqëri Civile (KCSF) dhe Community Building Mitrovica (CBM).