Statuti i Ri i UP-së dhe Përfshirja Studentore – Takim me Prof. Qerim Qerimin, Ish-Rektor i UP-së

Në kuadër të projektit “Statuti i ri i UP-së: Integritet dhe Transparencë”, Klubi i Etikës, përmes grupit të tij STEP UP, organizoi një takim të veçantë me Prof. Qerim Qerimin, ish-rektor i Universitetit të Prishtinës. Gjatë këtij takimi diskutuam për rëndësinë e integritetit, transparencës dhe përfshirjes së studentëve në procesin e hartimit të statutit të ri të universitetit tonë.

🗣️ Prof. Qerimi ndau përvojën e tij dhe shpjegoi pse ka qenë i nevojshëm riformulimi i statutit, sa ka ndikuar ky proces në funksionimin e UP-së deri më tani dhe si pritet të ndikojë në të ardhmen, veçanërisht në drejtim të qeverisjes së mirë dhe përfshirjes së komunitetit universitar në vendimmarrje.

🤝 Falënderojmë Prof. Qerimin për gatishmërinë dhe kontributin e tij profesional në këtë debat të rëndësishëm për të ardhmen e UP-së.