Mbahet aktiviteti “Anti-Corruption Coffe Hours” me prokurorin z. Besim Kelmendi nga Zyra e Kryeprokurorit të Shtetit

Sot me datë 12.04.2021, Klubi i Etikës i Fakultetit Juridik të Universitetit “Hasan Prishtina”, ka mbajtur aktivitetin e parë në kuadër të projektit “Fenomeni i Korrupsionit në Arsimin e Lartë dhe Parandalimi i tij'' kështu duke realizuar diskutim me Prokurorin nga Zyra e Kryeprokurorit të Shtetit z. Besim Kelmendi.

Në diskutimin “Anti-Corruption Coffe Hours” studentët e Fakultetit Juridik u njoftuan rreth punës së Zyrës së Kryeprokurorit të Shtetit, kështu duke diskutuar për fenomenin e korrupsionit në arsimin e lartë dhe duke u njoftuar nga afër për përvojën e Prokurorit në këtë fushë.

Klubi i Etikës falenderon Prokurorin z. Besim Kelmendi për bashkëpunimin dhe kontributin e tij në këtë aktivitet.

Aktiviteti u mbajt duke respektuar masat në përpikëri të dalura nga Qeveria e Republikës.

______________________________________________

Ky grant është mundësuar nga Organizata për Rritjen e Cilësisë në Arsim të Lartë (ORCA), në kuadër të projektit “Cilësi, Llogaridhënie, Integritet, dhe Transparencë në Arsimin e Lartë -QAINT” të financuar nga Agjencia Austriake për Zhvillim (ang. ADA).