Përfundon faza e shpërndarjes së broshurave në kampusin e UP-së

Ka përfunduar faza e shpërndarjes së broshurave informuese dhe komunikimit me studentët në njësitë akademike të Universitetit të Prishtinës, në kuadër të projektit “Programi për Promovimin e Vlerave Etike në Universitet”.

Gjatë kësaj faze u realizuan:

-Shpërndarja e materialeve informuese në terren

-Informimi i drejtpërdrejtë i studentëve për të drejtat dhe detyrimet e tyre sipas Statutit të ri të UP-së

-Promovimi i parimeve të etikës dhe integritetit akademik

Ky aktivitet u realizua nga grupi Etika+, si degë e Klubit të Etikës në Fakultetin e Mjekësisë, si pjesë e angazhimit për të ndërtuar një kulturë studimore më etike, transparente dhe të përgjegjshme në universitet.

Në ditët në vijim do të publikohet video promovuese e projektit, e cila do të përmbledhë punën, qëllimet dhe ndikimin e kësaj nisme studentore në komunitetin universitar.

Ky projekt mbështetet nga Agjencia Austriake për Zhvillim (ADA) përmes skemës së granteve të vogla të projektit HEI25, të menaxhuar nga ORCA – Organizata për Rritjen e Cilësisë në Arsim.