Piknik me studentët

Klubi i Etikës i Fakultetit Juridik, në kuadër të projektit "STEP-UP", realizoi aktivitetin njëditor "Piknik me studentët" në fshatin Shalë të komunës së Lipjanit, në Kullën e "Vehbi Metë Shamollit". Pjesëmarrësit patën mundësinë të qëndronin brenda kullës, por edhe të shijonin pamjen e bukur që ofron kjo zonë.

Në këtë piknik u zhvilluan disa nënaktivitete, por fillimisht u bë një prezantim i projektit në përgjithësi dhe aktivitetit në veçanti nga vetë organizatorët. Pastaj u vazhdua me lojëra të ndryshme, aktivitete rekreative, bashkëbisedim, punë në grup, muzikë, ecje në natyrë dhe të tjera. Qëllimi kryesor i këtij aktiviteti ishte socializimi i studentëve përmes aktiviteteve rekreative dhe shkëmbimi i ideve mes tyre.

Projekti "STEP-UP" do të vazhdojë të sjellë aktivitete të tjera të ngjashme në javët në vijim, të cilat do të publikohen në këtë faqe të grupit tonë. Nëse jeni një student i Fakultetit Juridik dhe nuk e ndjekni akoma faqen tonë, ju inkurajojmë të bashkoheni me Klubin e Etikës dhe të jeni të përfshirë në aktivitetet tona në vazhdimësi. Klubi i Etikës do të vazhdojë të punojë për të krijuar një ambient rekreativ dhe avokues për problemet për të gjithë studentët e Fakultetit Juridik të Universitetit ‘’Hasan Prishtina’’.

Falënderojmë të gjithë pjesëmarrësit për angazhimin dhe kontributin e dhënë në këtë aktivitet dhe ju mirëpresim në aktivitetet tona të ardhshme.

"Ky projekt mbështetet nga Agjencia Austriake për Bashkëpunim (ADC) përmes skemës së granteve të vogla të projektit HEI25, i menaxhuar nga Organizata për Rritjen e Cilësisë në Arsim (ORCA)."