Podcast me Dibran Hoxhën

Në episodin e tretë të podcastit “Etika në Fokus” zhvilluam një bisedë të thellë dhe kritike me Dibran Hoxhën, Drejtor Ekzekutiv i ORCA.

Diskutuam mbi etikën si vlerë aktive në shoqëri dhe universitete, me theks të veçantë në aktivizmin studentor si mjet për ndryshim, etikën e akademisë dhe rolin e përgjegjësisë profesionale të profesorëve në ndërtimin e një mjedisi universitar me integritet. Biseda solli reflektime të rëndësishme rreth gjendjes aktuale në Universitetin e Prishtinës, sfidave të meritokracisë, llogaridhënies dhe ndërtimit të kulturës së drejtësisë akademike.

Një episod realist dhe i sinqertë që shtron pyetje të guximshme për mënyrën si funksionon universiteti sot – dhe si mund të bëhet më i drejtë nesër.

Ky projekt mbështetet nga Agjencia Austriake për Zhvillim (ADC) përmes skemës së granteve të vogla të projektit HEI25, i menaxhuar nga Organizata për Rritjen e Cilësisë në Arsim (ORCA).