Anëtarët e Klubit të Etikës pjesëmarrës në Kongresin e Aktivizmit Studentor

Sot, disa nga anëtarët e Klubit të Etikës ishin pjesë e Kongresit të Aktivizmit Studentor organizuar për vitin e 3-të radhës.

Disa nga anëtarët e Klubit të Etikës ishin pjesë e Kongresit ku kishin mundësinë të takoheshin me studentë nga universitetet publike të Kosovës, Maqedonisë së Veriut si dhe Universitetit të Tiranës. Në këtë Kongres u mbajtën punime rreth Rezolutës së miratuar nga studentët dhe u diskutua rreth çështjeve dhe problemeve të studentëve nëpër Universitete.

Leotrim Pajaziti si Kordinator i Klubit të Etikës shpalosi mangësitë dhe sukseset e Universitetit të Prishtinës, ku numroi disa prej tyre prej të cilat nevojitet avokim e angazhim më i madh për realizim të tyre.

Ndërsa Viona Bunjaku, anëtare e Kryesisë së Klubit u votua nga studentët e pranishëm si Sekretare e Komitetit të Kongresit ku e urojmë për detyrën.

Nga ky Kongres shpresojmë që aktivizmi studentor të rritet dhe cilësia e arsimit të ngritet në nivel kombëtar.