Klubi i Etikës pjesë e ngjarjes së BE-së për angazhimin qytetar

Si Klub i Etikës - Fakulteti Juridik ishim të ftuar në ditën e dytë të ngjarjes “BE për shoqërinë civile dhe mediat: angazhimi qytetar”, ku mblodhi përfaqësues të shoqërisë civile dhe qytetarë në një diskutim të hapur mbi çështje të avokimit, që u mbajt nga Qendra e Burimeve për Shoqëri Civile në Kosovë.

Përfshirja e qytetarëve e posaçërisht e të rinjve në çështje të avokimit, mënyrat e mobilizimit të komunitetit në kauza për të mirën publike si dhe sfidat që shoqërojnë këtë proces ishin çështjet që u shtjelluan gjatë bashkëbisedimit. Shkëmbimi i përvojave në këtë kontekst, vuri në pah nevojën për përfshirje më të madhe të të rinjve në vullnetarizëm dhe çështje avokuese.

Përveç kësaj si Klub, në njërin nga këndet që ishte rezervuar për ne, bëmë promovimin e materialeve tona dhe punës i grup joformal.