Klubi i Etikës pjesë e sesionit informues të KCSF mbi deklarimin vjetor financiar të OJQ-ve në ATK

Duke marrë parasysh synimin e zgjerimit të veprimtarisë së Klubit të Etikës të Fakultetit Juridik dhe pajisjen me njohuri dhe aftësi të nevojshme në aspekte ligjore e financiare, anëtarja jonë Sonila Pllashniku ka marrë pjesë në sesionin përmbyllës në Prishtinë, mbi deklarimin vjetor financiar në Administrata Tatimore e Kosovës(ATK) për OJQ-të.

Në sesion u morën udhëzime për mënyrën e deklarimit të pasqyrave financiare dhe deklarimin vjetor të tatimit (CD) për OJQ.

Ligjëruesi Fatlum Gogiqi, së bashku me Sami Salihun, zëvendësdrejtor ekzekutiv i ATK-së, kanë ofruar informata dhe shpjegime për çështje që kanë të bëjnë me obligimet e OJQ-ve në ATK, legjislacionin në Kosovë për deklarimin financiar, përdorimin e platformës së ATK-së për deklarim të tatimeve si dhe elementet themelore të pasqyrave financiare.

Falenderojm KCSF për mundësitë e vazhdueshme që i jep Klubit të Etikës të Fakultetit Juridik