Mbledhja e parë e anëtarëve të grupit punues të projektit “STEP UP”

Më 3 maj 2023, Klubi i Etikës i Fakultetit Juridik organizoi mbledhjen e parë zyrtare të grupit punues të projektit "STEP UP". Në këtë mbledhje morën pjesë të gjithë anëtarët e ngarkuar me realizimin e projektit, përfshirë koordinatorët, organizatorët logjistikë, dhe përfaqësuesit për media dhe rrjete sociale.

Ky takim shënoi nisjen formale të projektit dhe u fokusua në prezantimin e objektivave kryesore, shpërndarjen e roleve dhe përcaktimin e metodologjisë së punës. Po ashtu, pjesëmarrësit diskutuan rendin e ditës dhe hartuan një plan të qartë veprimi për implementimin e aktiviteteve të planifikuara.

Kjo mbledhje e parë kontribuoi në krijimin e një baze të qëndrueshme organizative dhe vendosi themelet për bashkëpunimin e suksesshëm që do të pasonte gjatë projektit.

Ky projekt mbështetet nga Agjencia Austriake për Bashkëpunim (ADC), përmes skemës së granteve të vogla të projektit HEI25, i menaxhuar nga ORCA.