Vendosen postera kundër kopjimit në Fakultetin Juridik

Duke u bazuar në takimet e ndryshme me akterët vendimmarrës dhe në objektivat e Klubit të Etikës të Fakultetit Juridik të Universitetit të Prishtinës „Hasan Prishtina“, në bashkëpunim me Dekanatin e Fakultetit Juridik është bërë vendosja e posterave të cilët kanë për qëllim vetëdijësimin e studentëve të Fakultetit Juridik që të mos kopjojnë përgjatë provimeve.

Kopjimi si një prej dukurive negative më prezente cenon integritetin akademik dhe njëkohësisht shkakton padrejtësi mes studentëve duke bërë procesin e notimit jomeritor në shumë raste, andaj Klubi i Etikës do vazhdojë me aktivitete të llojit të tillë në mënyrë që dukuritë e tilla të parandalohen, luftohen dhe eleminohen.